रातोपहाडमा सडक भासिँदा कर्णाली राजमार्ग पूर्ण रूपमा अवरुद्ध

सुर्खेत । कर्णाली राजमार्गअन्तर्गत कालीकोटको खाँडाचक्र नगरपालिका–७ र ८ को सीमाना पिली र बिर्तामोडबीचको रातोपहाडमा सडक भासिएको छ । सडक भासिँदा राजमार्ग पूर्ण रूपमा अवरुद्ध भएको छ ।

जिल्ला प्रहरी कार्यालय कालीकोटका अनुसार, आइतबार साँझ रातोपहाड क्षेत्रमा करिब पाँचदेखि सात मिटर सडक भासिएपछि कर्णाली राजमार्गमा यातायात सञ्चालन पूर्ण रूपमा बन्द भएको हो ।