बाढीमा हराइरहेकाको खोजी र उद्धारमा सबै पक्ष एकजुट हुनुपर्छ : बाबुराम भट्टराई

पूर्वप्रधानमन्त्री डा बाबुराम भट्टराईले रसुवामा आएको बाढीबाट हराइरहेका नेपाली तथा विदेशी नागरिकको खोजी, उद्धार र विपद्मा परेकालाई राहत उपलब्ध गराउन सम्पूर्ण देशवासी एकजुट हुनुपर्ने बताएका छन्।

भट्टराईले सामाजिक सञ्जालमार्फत अहिलेको प्रमुख प्राथमिकता वातावरणीय विषयभन्दा पनि तत्काल उद्धार तथा राहत हुनुपर्ने बताएका हुन्। उनले हराइरहेका नागरिकको संख्या प्रारम्भिक अनुमानभन्दा निकै ठूलो हुन सक्ने भन्दै खोजी तथा उद्धारलाई तीव्र बनाउनुपर्नेमा जोड दिएका छन्।