दुई परम्परागत प्रतिद्वन्द्वीबिच भिडन्त

उत्तरी अमेरिकी राष्ट्रमा फिफा विश्वकप २०२६ को अन्तिम १६ अन्तर्गत आइतबार हुने बहुप्रतीक्षित खेलमा युरोपका दुई परम्परागत प्रतिद्वन्द्वी स्पेन र पोर्चुगल आमनेसामने हुँदै छन्।

डलासमा हुने यस खेलले केवल क्वार्टरफाइनलको टिकट मात्र तय गर्ने छैन, पछिल्ला केही वर्षयता उत्कृष्ट लयमा रहेको स्पेनको अपराजित यात्राको पनि परीक्षा लिनेछ। पोर्चुगल अन्तिम ३२ को खेलमा क्रोएसियालाई हराउँदै निकै कठिन संघर्षपछि अन्तिम १६ मा पुगेको हो। खेलको अन्तिम क्षणसम्म नतिजा अनिश्चित रहँदा कप्तान क्रिस्टियानो रोनाल्डोले विश्वकप नकआउट चरणमा आफ्नो पहिलो गोल गर्दै टोलीलाई अग्रता दिलाएका थिए। त्यसपछि इन्जुरी समयको चौथो मिनेटमा गोन्सालो रामोसले निर्णायक गोल गरेपछि पोर्चुगल जितको नजिक पुगेको थियो।