चार स्वर्ण जितेकी दीपाको चिन्ता : अन्तर्राष्ट्रिय सपना आर्थिक अभावले त रोकिँदैन ?

धनगढी । राष्ट्रियस्तरका तेक्वान्दो प्रतियोगितामा अहिलेसम्म दीपा जैसीले आफ्नो तौल समूहमा हार बेहोरेकी छैनन् । लगातार चार पटक स्वर्ण पदक जितेकी उनी अहिले सुदूरपश्चिम प्रदेशकी सफल खेलाडीका रूपमा चिनिन्छिन् ।

मैदानमा सफलता हासिल गरे पनि अन्तर्राष्ट्रियस्तरमा पुग्ने सपना आर्थिक अभावका कारण अन्योलमा पर्छ कि भन्ने चिन्ता दीपालाई लागिरहन्छ । तेक्वान्दो उनका लागि भविष्य हो । अभावसँग लड्दै रातदिन तेक्वान्दोमा अभ्यास गरिरहेकी उनलाई आर्थिक अभावका कारण खेल यात्रा केही पो हुने हो कि भन्ने चिन्ता लागिरहन्छ । तर उनी आत्मविश्वास पनि राख्छिन्, ‘जे छ त्यसैमा ठिक पनि छु ।’