सञ्चार क्षेत्रको विकासमा प्रदेश सरकार प्रतिबद्ध छ : मन्त्री महतो

मधेश प्रदेशका गृह सञ्चार तथा कानुनमन्त्री फकिरा महतोले समग्र सञ्चार क्षेत्रको विकासका लागि प्रदेश सरकार प्रतिबद्ध रहेको बताउनुभएको छ ।

मधेश प्रदेशको राजधानी जनकपुरधाममा आम सञ्चार प्राधिकरणले आइतबार आयोजना गरेको प्रदेश पत्रकारिता पुरस्कार अध्ययन तथा लेखन छात्रवृति र प्रोत्साहन कार्यविधि २०८३ माथि सरोकारवालासँगको छलफल कार्यक्रमलाई सम्बोधन गर्दै उहाँले यस्तो बताउनुभएको हो ।