विश्वकपको अन्तिम १६ बाट बाहिरिएसँगै नेयमारले गरे संन्यासको घोषणा

न्युजर्सी । नेयमारले ब्राजिलको राष्ट्रिय टोलीबाट अब नखेल्ने बताएका छन्। विश्वकपको अन्तिम १६ को खेलमा नर्वेसँग २-१ ले पराजित हुँदै प्रतियोगिताबाट बाहिरिएपछि उनले सन्यासको घोषणा गरेका हुन्।

आइतबारको खेलपछि नेयमारले भने, ‘मैले प्रयास गरेँ। यही मेटलाइफ स्टेडियमबाट सुरु भएको थियो र मैले यहीँ अन्त्य गरेँ। अब यो सकिएको छ।’ ३४ वर्षीय नेयमारले अगस्ट १०, २०१० मा ब्राजिलका लागि पहिलो खेल खेलेका थिए। उनले न्युजर्सीको इस्ट रदरफोर्डस्थित यही स्टेडियममा अमेरिकासँगको मैत्रीपूर्ण खेलबाट डेब्यु गरेका थिए।