चीनले जापानलाई दबाब सिर्जना गरेको दाबी

जापानका सेमिकन्डक्टर, रोबोटिक्स तथा अन्य अत्याधुनिक उद्योगहरू चिनियाँ गुप्तचर सञ्जालको निशानामा परेका छन् । साइबर घुसपैठ तथा उद्योगभित्रका व्यक्तिहरूलाई प्रलोभनमा पारेर संवेदनशील सूचना संकलन गर्ने गतिविधिले जापानको प्रतिस्पर्धात्मक क्षमतामाथि गम्भीर चुनौती खडा गरेको उल्लेख छ ।

यो चुनौतीको सामना गर्न जापानले आफ्नो काउन्टर–इन्टेलिजेन्स संयन्त्रलाई सुदृढ बनाउनुपर्ने, शैक्षिक आदानप्रदानमाथिको निगरानी कडा गर्नुपर्ने तथा प्रविधि चोरी रोक्न जापान, अमेरिका र युरोपेली संघ (ईयू) सम्मिलित संयुक्त कार्यदल गठन गर्नुपर्ने सुझाव रिपोर्टले दिएको छ ।