आलुखेतीले गाउँको अर्थतन्त्र धान्दै, वार्षिक दुई करोडसम्मको निर्यात

बैतडी- समय-समयमा परेको वर्षाले बैतडीका आलु किसान उत्साहित बनेका छन्। पाटन नगरपालिका-८ का किसान केशव विष्ट यस वर्ष आलु उत्पादन उल्लेखनीय रूपमा बढ्ने अपेक्षामा छन्। वार्षिक आठदेखि १० लाख रुपैयाँसम्म आम्दानी गर्दै आएका विष्टले पर्याप्त वर्षाका कारण उत्पादन र आम्दानी दुवै बढ्ने विश्वास व्यक्त गरे।

‘समयमै पानी परेकाले उत्पादन राम्रो हुने आशा छ। खेतहरू आलुखेतीले हरियाली बनेका छन्,’ उनले भने,‘आलुसँगै मौसमअनुसारका अन्य तरकारी पनि उत्पादन गर्दै आएका छौँ।’