घरेलु समर्थकमाझ च्याम्पियन बन्ने लक्ष्य

नेपालले तेस्रोपल्ट देशमा भएको काभा महिला भलिबल च्याम्पियनसिपमा घरेलु समर्थकको बलियो साथमा च्याम्पियन हुने लक्ष्य राखेको छ।

नेपाल भलिबल संघ (एनभिए) को आयोजनामा काठमाडौंमा शुक्रबारदेखि जेठ १५ गतेसम्म काभा महिला भलिबल च्याम्पियनसिप हुँदै छ । आठ राष्ट्रले प्रतिस्पर्धा गर्ने च्याम्पियनसिपमा युवा र नयाँ खेलाडीको बाहुल्य रहेको नेपाल उपाधि जित्ने आशा छ । कप्तानसहित नेपाली टोलीमा नयाँ खेलाडीको बाहुल्य छ । नियमित कप्तान अरुणा शाही विदेश पलायन भएपछि उनको स्थानमा निरुता ठगुन्नाले नेपालीको नेतृत्व गर्दै छिन् । केही वर्षयता टोलीको सदस्य नै रहेकी निरुता र नेपाली टोली मुख्य प्रशिक्षक जगदीश भट्ट यही टोलीले घरेलु कोर्टमा सुखद नतिजा ल्याउनेमा आशावादी छन्।