स्वास्थ्यमन्त्री मेहता र डब्ल्यूएचओका महानिर्देशकबीच जेनेभामा भेटवार्ता

काठमाडौँ । स्वास्थ्य तथा खाद्य स्वच्छतामन्त्री निशा मेहता र विश्व स्वास्थ्य सङ्गठन (डब्ल्यूएचओ) का महानिर्देशक डा. टेड्रोस अधानोम घेब्रेयेससबीच स्विट्जरल्यान्डको जेनेभामा भेटवार्ता भएको छ।

विश्व स्वास्थ्य सङ्गठनले जेनेभामा आयोजना गरेको ७९औँ विश्व स्वास्थ्य सभाका क्रममा उनीहरूबीच यो उच्चस्तरीय भेटवार्ता भएको हो। मन्त्रालयका सहप्रवक्ता डा. समिरकुमार अधिकारीका अनुसार भेटका अवसरमा दुई पक्षबीच नेपालको स्वास्थ्य क्षेत्रको विकास र डब्ल्यूएचओको सहयोगबारे फलदायी छलफल भएको छ।