अध्यागमन सुशासनका लागि ‘डिजिटल टाइम कार्ड’ लागू

काठमाडौं । अध्यागमन विभागले सेवा प्रवाहलाई थप पारदर्शी, उत्तरदायी र सेवाग्राहीमैत्री बनाउने उद्देश्यसहित ‘डिजिटल टाइम कार्ड’ प्रणाली लागू गरेको छ ।

नेपाल सरकार मन्त्रीपरिषद्को शासकीय सुधारसम्बन्धी एक सय कार्यसूचीअन्तर्गत अध्यागमनसम्बन्धी सेवाका प्रक्रियालाई डिजिटल, ट्र्याकिङयोग्य र पारदर्शी बनाउने नीतिअनुसार यो प्रणाली कार्यान्वयनमा ल्याइएको बुधबार आयोजित पत्रकार सम्मेलनमा विभागले जानकारी दिएको छ ।