मुख्य राजमार्गका अतिक्रमण हटाउन सडक डिभिजन दाङको १५ दिने अल्टिमेटम

दाङ । सडक डिभिजन कार्यालय दाङले आफ्नो कार्यक्षेत्र अन्तर्गत पर्ने विभिन्न राजमार्ग तथा सडक खण्डहरूको सडक सीमाभित्र बनाइएका अवैध संरचना हटाउन १५ दिनको अल्टिमेटम दिएको छ ।

कार्यालयले आज एक सूचना जारी गर्दै सडक सीमा मिचेर निर्माण गरिएका घर, टहरा, पर्खाल लगायतका संरचनाहरू सम्बन्धित व्यक्ति वा संस्था आफैँले हटाउन निर्देशन दिएको हो ।