सरकारको १०० दिन ‘अवसर गुमेको दिन’ : नेविसंघ

काठमाडौँ । नेपाल विद्यार्थी संघ (नेविसंघ) की सभापति करुणा कटुवालले सरकारले १०० दिनभित्र शिक्षा क्षेत्रमा गरेका वाचा पूरा गर्न नसकेको आरोप लगाएकी छन् ।

सरकारको १०० दिने कार्यकालको समीक्षा गर्न सोमबार आयोजित पत्रकार सम्मेलनमा बोल्दै उनले सरकारले शिक्षा क्षेत्रको संरचनागत सुधार, दलीय भागबण्डाको अन्त्य तथा विश्वविद्यालयको स्वायत्तता कायम गर्ने प्रतिबद्धता कार्यान्वयन गर्न नसकेको बताएकी हुन् ।