लुम्बिनी प्रदेश सभामा बजेटमाथि समूहगत छलफल, चार मन्त्रालयको शीर्षकमाथि बहस सकियो

बुटवल । लुम्बिनी प्रदेश सभाको आठौँ अधिवेशनअन्तर्गत सोमबार बसेको तेह्रौँ बैठकमा आर्थिक वर्ष २०८३/८४ को विनियोजन विधेयकमाथिको समूहगत छलफल सम्पन्न भएको छ ।

प्रदेश सञ्चित कोषबाट रकम विनियोजन तथा खर्च गर्ने सम्बन्धमा व्यवस्था गर्न बनेको विधेयकअन्तर्गत रहेर चारवटा मन्त्रालयको बजेट र कार्यक्रममाथि सांसदहरूले केन्द्रित रहेर बहस गरेका हुन् ।