जेलेन्स्कीको चेतावनीपछि किभमा रुसी आक्रमण : १० को मृत्यु, दर्जनौं घाइते

युक्रेनको राजधानी किभमा रुसले सोमबार बिहानै गरेको भीषण क्षेप्यास्त्र र ड्रोन आक्रमणमा कम्तीमा १० जनाको मृत्यु भएको छ। युक्रेनी राष्ट्रपति भोलोडिमिर जेलेन्स्कीले रुसले ठूलो आक्रमण गर्न सक्ने चेतावनी दिएको केही घण्टामै यो घटना भएको हो।

स्थानीय अधिकारीहरूका अनुसार आक्रमणमा परी घाइते भएका ४६ जनालाई भग्नावशेषबाट उद्धार गरिएको छ। अझै केही मानिसहरू भग्नावशेषमा फसेको अनुमान गरिएको छ।