अनुदान नपाएपछि काठमाडौं आइपुगे कैलाली र बर्दियाका उखु किसान, मन्त्री गीता चौधरीसँग भेट

सरकारले उपलब्ध गराउँदै आएको अनुदान रकम नपाएको भन्दै कैलाली र बर्दियाका उखु किसानहरू काठमाडौं आएका छन् । किसानहरूको एक प्रतिनिधिमण्डलले सोमबार कृषि, वन तथा पर्यावरण मन्त्री गीता चौधरीसँग भेट गरी आफूहरूले भोगिरहेका समस्या, अनुदान वितरणमा भएको ढिलाइ तथा उखु खेतीको भविष्यबारे गम्भीर बन्न आग्रह गरेको हो ।

भेटमा किसानले सरकारले घोषणा गरेको उत्पादनमा आधारित अनुदान समयमै नपाउँदा आफूहरू आर्थिक संकटमा परेको बताए । उखु खेतीमा ठूलो लगानी गरे पनि समयमै अनुदान नपाउँदा ऋणको भार बढ्दै गएको र अनुदानमा ढिलासुस्ती गर्दा धेरै उखु उत्पादक किसानहरू चिन्तित भएका छन ।