कमजोर अनुगमन, निष्क्रिय दूतावास र बेथितिले श्रमिक मारमा

काठमाडौं ।

सरकारले वैदेशिक रोजगारीलाई औपचारिक रूपमा व्यवस्थापन गर्न थालेको तीन दशकभन्दा बढी समय बितिसक्दा पनि नेपाली श्रमिकको सुरक्षा, स्वास्थ्य, बिमा तथा उद्धार प्रणाली अझै प्रभावकारी बन्न सकेको छैन । श्रम स्वीकृति, अन्तरदेशीय श्रम सम्झौता, स्वास्थ्य परीक्षण र बिमा व्यवस्था कानुनी रूपमा अनिवार्य गरिए पनि कार्यान्वयन पक्ष कमजोर हुँदा वैदेशिक रोजगारमा गएका नेपालीहरू श्रम शोषणमा परेका छन् । स्वास्थ्य परीक्षण र बिमाको अभावका साथै काम गर्ने स्थलको वातावरणका कारण मृत्युवरण गर्न बाध्य नेपाली श्रमिकको शव दिनहुँजसो बाकसमा स्वदेश फर्किने क्रम रोकिएको छैन ।