चीनले गर्यो लामो दूरीको ब्यालिस्टिक क्षेप्यास्त्र परीक्षण

एजेन्सी । चिनियाँ सेनाले सोमबार दक्षिण प्रशान्त महासागरमा आणविक शक्ति सम्पन्न पनडुब्बीबाट लामो दूरीको ब्यालिस्टिक क्षेप्यास्त्र परीक्षण गरेको छ । त्यसले यस क्षेत्रका देशहरूबाट विरोध र चिन्ता निम्त्याएको छ ।

आधिकारिक सिन्ह्वा समाचार एजेन्सीको घोषणा अनुसार, मिसाइल दिउँसो १२ः०१ बजे प्रक्षेपण गरिएको थियो र यसले नक्कली वारहेड बोकेको थियो । चीनले यसअघि दुई वर्ष पहिले प्रशान्त महासागरमा क्षेप्यास्त्र परीक्षण गरेको थियो जसमा नक्कली वारहेडसहितको अन्तरमहादेशीय ब्यालिस्टिक मिसाइल प्रहार गरिएको थियो ।