हरियालीले ढाकिएका आलुका फाँट, किसानमा समृद्धिको आशा

बैतडी जिल्लाका विभिन्न गाउँहरू यतिबेला हरियालीले ढाकिएका छन् । विशेषगरी पाटन नगरपालिकाको खोड्पे क्षेत्रका खेतबारीमा फैलिएका आलुका फाँटले ग्रामीण भेगको सौन्दर्य मात्र बढाएको छैन, यसले किसानको जीवनमा आशा र आत्मनिर्भरताको नयाँ आधार पनि तयार पारेको छ ।

पाटन नगरपालिका–८, ९ र १० नम्बर वडालाई जिल्लाकै प्रमुख आलु पकेट क्षेत्रका रूपमा चिनिन्छ । यहाँका अधिकांश किसान अहिले परम्परागत खेतीबाट व्यावसायिक कृषि प्रणालीतर्फ आकर्षित भएका छन् । आलुसँगै बेमौसमी तरकारी खेतीले किसानको आम्दानी बढाउँदै लगेपछि गाउँघरमै स्वरोजगारको वातावरण बनेको छ ।