बीमाबाट उपचार भनेपछि पाटन अस्पतालका कर्मचारीले जब ‘जेरी जस्तै’ फनफनी घुमाए…

मिति २०८३ साल वैशाख २८ गते, सोमबार। म र मेरी श्रीमती बच्चा जन्माउने प्रयोजनका लागि बिहान करिब ९ बजे Patan Hospital पुगेका थियौं। गर्भावस्थाको प्रारम्भिक चरणदेखि नै हामीले अस्पतालको प्राइभेट सेवामार्फत डा. शारदा श्रेष्ठसँग नियमित परामर्श गर्दै आएका थियौं।

अन्तिम समयमा हामीले डेलिभरी स्वास्थ्य बीमामार्फत गराउने निर्णय गर्‍यौं। सोहीअनुसार वैशाख २४ गते स्वास्थ्य बीमाबाट ओपिडी टिकट काटी पुनः डा. शारदा श्रेष्ठलाई देखायौं। उहाँले वैशाख २८ गते मेटरनिटी वार्डमा भर्ना हुन तथा मंगलबार शल्यक्रिया (सिजेरियन सेक्सन) गर्ने सल्लाह दिनुभएको थियो।