सन्दर्भ निजामती दिवस: विधिको शासनमा भदौ बाइस

वर्षमा एकपल्ट मनाइने निजामती सेवा दिवस भाद्र २२ आइपुगेको छ । गतवर्षको भाद्र २३, २४ ले क्षतविक्षत भएको नेपाली मनलाई अहिले रसुवागढीको बाढीले मर्माहतै पारेको छ । तैपनि औपचारिक धेरै कर्म नहुँदै यसपालिको कर्मचारी दिवस सकिएला नै, किनकि धेरै कर्मचारीहरु गएको साता बाढीमा होमिएका छन्, हेलिएका छन् । कर्मचारी मात्रै होइन, अरु पनि धेरै छन् । यो विपद्को भुमरीमा अहिले धेरैले भड्किलो तीजको कार्यक्रम रद्द गरेर उद्धार कर्ममा हात पैmलाएका छन् । सहयोगी मनहरु, स्वदेश–विदेशबाट सामग्री र धनको ओइरो लागिरहेको छ ।

उडेको बाजले भुइँको परेवा देख्छ, गिद्धले सिनो देख्छ, कागले जुठोपुरो देख्छ, भँगेरा, चराचुरुँगीले बिस्कुन देख्छन्, सर्पले भ्यागुतो देख्छ । यस्तै अस्पतालले बिरामी देख्छ, व्यापारीले उपभोक्ता देख्छ, चिकित्सकले बिरामी देख्छ, विद्यालयले विद्यार्थी देख्छ र विद्याभन्दा बढी वस्तु बेच्छ । नक्कली भेषधारी पण्डाहरुले यजमान देख्छन् । यसै मेसोमा सबैलाई खाने काल हो, अर्थात् समय । संस्कृतमा एक भनाइ छ– काल व्याल मुख ग्रास त्रास निर्णास हेतवे । भनौँ, मान्छेलाई कालले सताइरहेको हुन्छ, भयरुपी कालले सूचना नगरी मान्छे खान्छ, यो उसको धर्म हो, उसले धर्म छोडेको छैन, धर्म छोडेको मान्छेले हो, खर्बौं खर्ब लगाएर संविधान बनायो, सुशासन र विधिको शासन, पारदर्शिता, उपभोक्ता हकहितदेखि ठूला मानवअधिकार र मौलिक हकहरुको पुस्तकालय प्रयोग ग¥यो, उपलब्धि भनेको हातमा आयो शून्य छ ।