सीमामा अग्लियो बाँध, बढ्यो डुबानकाे त्रास

रौतहटको गौर र भारतको बैरगनिया सीमामा भारतीय पक्षले एकतर्फी रूपमा बनाएको बाँध मर्मतको बाहनामा झन् अग्लो र बलियो बनाएको छ। सीमा क्षेत्रको दशगजा वा त्यसको नजिक दुवै देशको सहमतिबिना कुनै पनि भौतिक संरचना निर्माण, विस्तार वा परिवर्तन गर्न नपाइने नियम भए पनि भारतीय पक्षले बाँध मर्मतको बाहनामा झन् अग्लो र बलियो बनाएको हो।

छिमेकी देशको भूभागमा डुबान वा अन्य वातावरणीय क्षति नपुर्याउन एउटा देशले आफ्नो सिमानामा यस्तो संरचना बनाउने प्रावधान छैन। बैरगनिया क्षेत्रको बाँधकै कारण वर्षा याममा बाढीको बहाव थुनिने र त्यसले सदरमुकाम गौरसहित दर्जनाै नेपाली गाउँ डुबानमा पर्दै आइरहेको स्थानीय अमित केशरीले बताए।