सरकारको आम्दानीभन्दा खर्च तीन खर्ब बढी, भुक्तानी गर्ने समय अब चार दिनमात्रै !

काठमाडौं । सरकारले चालु आर्थिक बर्ष २०८२/८३ को लक्ष्य अनुसार खर्च गर्न बाँकी रकम चार खर्ब ८९ अर्ब ५५ करोड ९० लाख रूपियाँ देखिएको छ, जुन यही असार २५ गतेसम्म खर्च गर्नुपर्नेछ । सोमबारसहित त्यो म्याद सकिन चार दिन मात्रै बाँकी छ ।

आर्थिक कार्यविधि तथा वित्तीय उत्तर दायित्व नियमावली, २०७७ अनुसार आर्थिक वर्ष सकिनुभन्दा एक साताअघि सरकारी भुक्तानी रोक्नुपर्छ । ‘कार्यालयले विनियोजन ऐनले फ्रिज नहुने भनी तोकेको शीर्षकको रकमबाहेक भुक्तानी दिनुपर्ने अन्य रकम आर्थिक वर्ष समाप्त हुनुभन्दा कम्तीमा सात दिनअगावै भुक्तानी दिई निकासा र खर्चको लेखा अद्यावधिक गरी भुक्तानी निकासा बन्द गर्नुपर्नेछ,’ नियमावलीमा भनिएको छ । असार महिना ३२ दिनको भएका कारण २५ गतेसम्म भुक्तानी गर्न पाइन्छ ।