बहानाबाजी छोडेर काममा लाग्न निर्माण व्यवसायीलाई सांसद भुसालको आग्रह

काठमाडौँ । सांसद मञ्जु भुसालले निर्माण व्यवसायीले काममा ढिलासुस्ती गर्ने र बहाना बनाउने प्रवृत्ति अन्त्य गर्नुपर्ने बताएकी छिन् । पूर्वाधार विकास समितिको बैठकमा बोल्दै उनले असारमा धेरै आयोजनाहरूको म्याद सकिने भएकाले ती काम समयमै सक्न आग्रह गरिन् ।

‘असारमा म्याद सकिने धेरै आयोजनाहरू छन्, यो ठुलो चुनौती हो,’ उनले भनिन् । मन्त्रीले प्रतिबद्धता जनाइसकेको अवस्थामा अब व्यवसायीहरू बहाना नगरी काममा लाग्नुपर्ने उनको भनाइ थियो ।