किभमा रुसी आक्रमणमा मर्नेको संख्या १२ पुग्यो

किभ । युक्रेनको राजधानी किभमा रुसले सोमबार बिहान क्षेप्यास्त्र र ड्रोनमार्फत भीषण आक्रमण गर्दा मर्नेको संख्या कम्तिमा १२ जना पुगेको छ ।

अमेरिकी निर्मित प्रतिरक्षा क्षेप्यास्त्रको अभावका कारण युक्रेनले रुसी ब्यालिस्टिक क्षेप्यास्त्र रोक्न नसकेको अधिकारीहरूले बताएका छन् । यो किभमा रुसको एक हप्तायताको दोस्रो ठूलो आक्रमण हो । गएको बिहिबार रुसले किभमाथि यस वर्षकै सबैभन्दा घातक आक्रमण गरेको थियो । यसमा ठूलो जनधनको क्षति भएको थियो ।