१५औँ महाधिवेशनको तयारीमा इतरसमूह

काठमाडौँ। नेपाली कांग्रेसको संस्थापन इतर समूहले १५औँ महाधिवेशन तयारीका लागि सम्पर्क कार्यालय स्थापना गर्दै औपचारिक तयारीमा जुटेको छ।

काठमाडौँको चुनदेवीमा सोमबार पार्टीका संस्थापन इतर नेताहरूले १५औँ महाधिवेशन तयारीका लागि सम्पर्क कार्यालय स्थापना गरेका हुन्। कार्यालय उद्घाटनसँगै १४औँ महाधिवेशनबाट निर्वाचित कार्यसमितिको बैठक बसेको र समसामयिक राजनीतिक विषय र महाधिवेशनका एजेन्डाहरूमाथि छलफल भएको नेता मीन विश्वकर्माले जानकारी दिए।