विज्ञानमा लगानी बढे युवाको विदेश पलायन रोकिन्छ : मन्त्री महावीर पुन

काठमाडौं । विज्ञान, प्रविधि तथा नवप्रवर्तनमन्त्री महावीर पुनले विज्ञान र नवप्रवर्तनको क्षेत्रमा पर्याप्त लगानी र अवसर सिर्जना गर्न सके युवाको विदेश पलायन न्यूनीकरण गर्न सकिने बताएका छन् ।

मंगलबार राष्ट्रियसभामा ‘विनियोजन विधेयक, २०८३’ अन्तर्गत मन्त्रालयगत बजेटमाथिको छलफलमा उठेका प्रश्नको जवाफ दिँदै मन्त्री पुनले नवप्रवर्तनलाई रोजगारी र उद्यमसँग जोडेर अघि बढाउने सरकारको लक्ष्य रहेको बताए ।