बैंकक दूतावासको खुलासा: २०० भन्दा बढी मानव तस्करको सूची नेपाल पठाइयो, ‘स्क्यामिङ सेन्टर’ नेटवर्कमाथि कारबाहीको तयारी

काठमाडौं ।

दक्षिणपूर्वी एसियाली देशहरूमा फैलिएको अनलाइन ठगी (स्क्यामिङ) नेटवर्कसँग जोडिएको मानव तस्करी प्रकरणमा नयाँ र गम्भीर खुलासा भएको छ। थाइल्यान्डको बैंककस्थित नेपाली दूतावासले अवैध ‘स्क्यामिङ सेन्टर’हरूमा नेपाली नागरिकलाई पुर्‍याउने संलग्न भएको आशंकामा दुई सयभन्दा बढी मानव तस्करहरूको नामावली नेपाल सरकारलाई कारबाहीका लागि पठाएको छ।