दोस्रो विश्वयुद्धपछि जर्मनीमा फेरि अति दक्षिणपन्थीको उदय !

जर्मनीको एक महत्त्वपूर्ण राज्यमा सम्पन्न निर्वाचनमा आप्रवासी विरोधी तथा लोकपुलिस्ट अति दक्षिणपन्थी पार्टी ‘अल्टरनेटिभ फर जर्मनी’ले ऐतिहासिक जित हासिल गरेको छ। एक्जिट पोलका नतिजाहरूले एएफडीले आफ्नो समर्थन आधारलाई दोब्बरभन्दा बढी बनाउँदै राज्यको साक्सोनी-एन्हाल्टमा सानदार विजय प्राप्त गरेको देखाएको हो । यससँगै, दोस्रो विश्वयुद्धयता जर्मनीमा राज्यस्तरमा सत्तामा पुग्ने पहिलो अति दक्षिणपन्थी दल बन्ने ऐतिहासिक मोडमा यो पार्टी पुगेको छ।

विश्वभरबाट चासोपूर्वक अवलोकन गरिएको निर्वाचनको शुरूआती एक्जिट पोलहरूले एएफडीले अप्रत्याशित रूपमा ४४.४ प्रतिशत मत सुरक्षित गरेको देखाएको छ। यो चान्सलर फ्रिडरिक मेर्जको कन्जरभेटिभ पार्टी ‘क्रिश्चियन डेमोक्रेट्स’को भन्दा निकै बढी हो। यद्यपि, अन्य कुनै पनि दलसँग गठबन्धन नगर्ने अडान लिएको र मुख्यधारका अन्य दलहरूले पनि कुनै किसिमको सहकार्य गर्न पूर्ण रूपमा अस्वीकार गरेको अवस्थामा एएफडीले कसरी र पक्कापक्की रूपमा सरकार गठन गर्न सक्छ भन्ने अझै स्पष्ट भइसकेको छैन।