रोजगारी प्रवर्द्धन दशक घोषणा, श्रम सुधारमा सरकारको जोड [भिडियो]

काठमाडौँ। युवा, श्रम तथा रोजगारमन्त्री रामजी यादवले आन्तरिक रोजगारी सिर्जना र श्रम क्षेत्रको सुधारलाई सरकारले उच्च प्राथमिकतामा राखेर युद्धस्तरमा काम गरिरहेको बताएका छन्।

सोमबार राष्ट्रियसभामा विनियोजन विधेयकमाथि सांसदहरूले उठाएका प्रश्नको जवाफ दिँदै मन्त्री यादवले सरकारले वि.सं. २०८३ देखि २०९२ सम्मको दशकलाई ‘रोजगार प्रवर्द्धन दशक’ घोषणा गरिसकेको र त्यसअनुसार राष्ट्रिय रोजगार नीति-२०८३ को मस्यौदा तयार भइरहेको जानकारी दिए।