लामिन यामल चम्किएको खेलमा भ्यालेन्सियामाथि बार्सिलोना ५–० ले विजयी

काठमाडाैँ – स्पेनिस युवा स्टार लामिन यामालको उत्कृष्ट दुई गोलको मद्दतमा एफसी बार्सिलोनाले ला लिगामा भ्यालेन्सियामाथि ५-० को फराकिलो जित दर्ता गरेको छ । भ्यालेन्सियाको घरेलु मैदानमा आइतबार राति भएको खेलमा यामालले यस सिजनको ला लिगामा आफ्नो पहिलो गोलको खाता खोलेका हुन् ।

खेलको छैटौं मिनेटमै प्राप्त पासलाई १९ वर्षीय यामालले उत्कृष्ट ढङ्गले टो-पिक गर्दै गोलमा परिणत गरी बार्सिलोनालाई सुरुआती अग्रता दिलाएका थिए । गोलपछिको उत्सवका क्रममा उनले औंला मुखमा हालेर आफ्ना चार वर्ष पुगेका भाइ केयनप्रति गोल समर्पित गरे । उक्त खेल हेर्न उनकी आमा र भाइ रङ्गशालामा उपस्थित थिए ।