बाढी प्रभावितको उपचारमा रगत अभाव हुन नदिन ढल्केवरमा रक्तदान

२२ भदौ, जनकपुरधाम । धनुषाको मिथिला नगरपालिका-६ ढल्केवरमा आयोजित वृहत् रक्तदान कार्यक्रममा २२५ जनाले रक्तदान गरेका छन् । रसुवाको विनाशकारी बाढीका कारण घाइते तथा प्रभावितको उपचारमा रगत अभाव हुन नदिने उद्देश्यले आइतबार वृहत् रक्तदान कार्यक्रम गरिएको हो ।

स्थानीयवासी, व्यवसायी, युवा, सामाजिक संघसंस्थाका प्रतिनिधि, पत्रकारलगायतले रक्तदान गरेका हुन् ।