रिहा भएको ४ वर्षपछि पनि कारागारमा अभिषेक गिरीको सिन्डिकेट

विराटनगर । अपहरण तथा शरीर बन्धक मुद्दामा कैद भुक्तान गरी रिहा भएको झण्डै चार वर्षपछि पनि मोरङ कारागारका तत्कालीन चौकीदार अभिषेक गिरीले कारागारभित्र सिन्डिकेट कायमै गरी रजगज गर्दै आएको पुष्टि भएको छ ।

२०७९ चैत ५ गते कारागारबाट छुटेपछि पनि गिरीले कारागारमा रहेका झण्डै १२ सय कैदीबन्दीले राज्यबाट पाउने भत्ता, उनीहरूले कारागारभित्र विभिन्न उद्यम गरी आर्जन गरेको रकम, रासनवापत बचतको रकम कैदीबन्दीबाट जबर्जस्ती असुली गर्दै आएको पुष्टि भएको मोरङ प्रहरी प्रमुख एसपी कवित कटुवालले बताए ।