प्रदीप परियारले बजारमा ल्याए ‘सियोधागो’

काठमाडौँ । मानवअधिकार तथा सामाजिक न्यायका अभियन्ता प्रदीप परियारको संस्मरणात्मक पुस्तक ‘सियोधागो’ बजारमा आएको छ। काठमाडौँको गैरीधारास्थित एलिस रिसेप्सन्समा बिहीबार आयोजित एक विशेष समारोहका बिच पुस्तकको औपचारिक लोकार्पण गरिएको हो।

कार्यक्रममा उपस्थित अतिथि तथा पाहुनाहरूले संयुक्त रूपमा पुस्तक सार्वजनिक गरेका हुन्। सो अवसरमा संगीतकर्मी किरण नेपालीले विशेष साङ्गीतिक प्रस्तुति दिएका थिए।