विजय र स्वस्तिमा उत्कृष्ट कलाकार, निर्देशकमा मिलन चाम्स

काठमाडौँ । अभिनेता विजय बराल र अभिनेत्री स्वस्तिमा खड्का उत्कृष्ट अभिनेता अभिनेत्री बनेका छन् । छाँयाछवी क्रियशनले बिहीबार साँझ सम्पन्न गरेको १७औँ संस्करणको डी सिने अवार्डमा यी कलाकारले उत्कृष्ट अवार्ड प्राप्त गरेका हुन् ।

चलचित्र विकास बोर्डका अध्यक्ष दिनेश डिसी, वरिष्ठ अभिनेत्री वसुन्धरा भुसाल, चैतदेवी सिंह लगायतले उनीहरूलाई अवार्ड प्रदान गरे । कार्यक्रममा ‘चलचित्रकर्मी रजत सम्मान २०८३’ बाट निर्देशक ज्ञानेन्द्र देउजा र अभिनेत्री निरुता सिंह सम्मानित भए ।