चुमनुब्रीमा बाढीपीडितका लागि पठाइयो राहत

काठमाडौँ- गोरखाको चुमनुब्री गाउँपालिका–४, नाम्रुङमा बाढीपहिरोबाट ठूलो भौतिक क्षति भएपछि गृहमन्त्री सुधन गुरुङले प्रभावित क्षेत्रमा राहत पठाएका छन्।

आफ्नै निर्वाचन क्षेत्रसमेत रहेको नाम्रुङमा बाढीबाट भएको क्षतिको विवरण लिएपछि गृहमन्त्री गुरुङले नेपाली सेना र सशस्त्र प्रहरीसँग समन्वय गरी प्रभावित नागरिकका लागि राहत सामग्री पठाउने व्यवस्था मिलाएका हुन्।