रसुवा बाढी : ३ हजार २५३ जनाको उद्धार, १५ हजार सुरक्षाकर्मी परिचालन

रसुवामा आएको बाढीबाट प्रभावित क्षेत्रमा खोज तथा उद्धार अभियान तीव्र पारिएको छ। राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार हालसम्म ३ हजार २५३ जनाको उद्धार गरिएको छ। उद्धार कार्यका लागि नेपाली सेनाका ६ र निजी क्षेत्रका ९ गरी १५ वटा हेलिकप्टर परिचालन गरिएको प्राधिकरणले जनाएको छ।

बाढी प्रभावित क्षेत्रमा उद्धार तथा राहतका लागि नेपाल प्रहरी, नेपाली सेना र सशस्त्र प्रहरी बलका गरी १५ हजार १०५ सुरक्षाकर्मी परिचालन भएका छन्। तीमध्ये नेपाल प्रहरीका ७ हजार २५०, नेपाली सेनाका ४ हजार २०० र सशस्त्र प्रहरी बलका ३ हजार ६५५ जना छन्।