‘रविसँग भारतले ‘समानान्तर कूटनीति’ प्रयोग गरेको हुन सक्छ’

काठमाडौँ । सत्तारुढ दल राष्ट्रिय स्वतन्त्र पार्टी (रास्वपा) का सभापति रवि लामिछानेले छिमेकी मुलुक भारत र त्यहाँको सत्तारुढ दल भारतीय जनता पार्टी (भाजपा) बाट प्राप्त गरेको उच्च सम्मानलाई कूटनीतिक क्षेत्रमा अर्थपूर्ण रूपमा हेरिएको छ।

२०६२/६३ सालमा राजनीतिक परिवर्तन भएपछि भारत भ्रमणमा रहेका तत्कालीन प्रधानमन्त्री गिरिजाप्रसाद कोइरालालाई त्यतिबेलाको मनमोहन सिंह नेतृत्वको सरकारले उच्च महत्त्व दिएको थियो। भारत भ्रमणका बेला कोइरालालाई स्वागत गर्न भारतका तत्कालीन प्रधानमन्त्री सिंह आफैँ विमानस्थल आएका थिए।