सुस्तावासीले प्रमाणित गरिदिए माटो जोगाउन छातीमा देश प्रेम चाहिन्छ : सांसद गिरी

काठमाडौं । राष्ट्रिय प्रजातन्त्र पार्टी (राप्रपा)ले पश्चिम नवलपरासीको सुस्ता क्षेत्रमा भारतीय सशस्त्र सीमा बल (एसएसबी)का जवानहरू नेपाली भूमिमा प्रवेश गरेको विषयमा स्पष्ट धारणा सार्वजनिक गर्न सरकारसँग माग गरेको छ । सोमबार (असार १) प्रतिनिधिसभा बैठकमा विशेष समय लिएर राप्रपाका सांसद भरत गिरीले यस्तो माग गरेका हुन् ।

उनले जुन १३ मा पश्चिम नवलपरासीको सुस्ता गाउँपालिका–५, थारुटोल क्षेत्रमा हतियारसहितका एसएसबीका जवान बिनाअनुमति नेपाली भूमिमा प्रवेश गरेका उल्लेख गरे । स्थानीय किसानले प्रतिरोध गर्दै उनीहरूलाई फर्काएको उनले बताए ।