चाडपर्वको अनलाइन बजार तताउँदै अमेजन, १ लाख ६० हजार जनशक्ति थप्ने

काठमाडौं । भारतमा चाडपर्वको मौसम नजिकिँदै गर्दा ई-कमर्स कम्पनी अमेजनले ठूलो संख्यामा अस्थायी रोजगारी सिर्जना गर्ने भएको छ । कम्पनीले देशभर करिब १ लाख ६० हजार मौसमी रोजगारी उपलब्ध गराउने घोषणा गरेको हो ।

भारतमा चाडपर्वको किनमेल अक्टोबरदेखि तीव्र हुने अपेक्षा गरिएको छ । दीपावलीलगायत प्रमुख पर्वका कारण अनलाइन किनमेल बढ्ने भएकाले यस अवधिमा ग्राहकको अर्डर व्यवस्थापन, प्याकेजिङ तथा डेलिभरीको चाप समेत बढ्ने गर्छ । सोही मागलाई ध्यानमा राख्दै अमेजनले आफ्नो मौसमी कार्यबल विस्तार गर्न लागेको हो ।