सुदूरपश्चिमका मुख्यमन्त्रीले बोलाएको कांग्रेस संसदीय दलको बैठकमा दुई मन्त्री अनुपस्थित

धनगढी । सुदूरपश्चिम प्रदेश सरकारको आगामी आर्थिक वर्ष २०८३/८४ को बजेटलाई लिएर सत्तारुढ दलभित्र देखिएको असन्तुष्टि थप स्पष्ट भएको छ। मुख्यमन्त्री कमलबहादुर शाहले सोमबार बोलाएको नेपाली कांग्रेस संसदीय दलको बैठकमा आफ्नै दलका दुई मन्त्री तथा केही सांसद सहभागी भएनन्।

मंगलबार बस्ने प्रदेशसभा बैठकमा बजेटमाथि छलफल अघि बढाउने तयारी स्वरूप मुख्यमन्त्री शाहले दलको बैठक बोलाएका थिए। तर उद्योग, पर्यटन, वन तथा वातावरण मन्त्री मानबहादुर रावल र सामाजिक विकास मन्त्री बेलबहादुर राना बैठकमा उपस्थित भएनन्। उनीहरू कांग्रेसका नेता दिवानसिंह विष्ट निकट मानिन्छन्। विष्टसहित उनको समूहका अन्य केही सांसद पनि बैठकमा सहभागी नभएको स्रोतले जनाएको छ।