सुन सफा गर्ने बहानामा ठगी गर्ने दुई भारतीय नागरिक उदयपुरबाट पक्राउ

उदयपुर । उदयपुरको उदयपुरगढी गाउँपालिकामा सुनका गहना सफा गर्ने बहानामा ठगी गरेको आरोपमा दुई जना भारतीय नागरिक पक्राउ परेका छन् ।

प्रहरीका अनुसार उदयपुरगढी गाउँपालिका वडा नं. २ र ३ मा बस्ने स्थानीय महिलाहरू पेशल कुमारी मगर र मनमाया तामाङले कानमा लगाएको करिब १/१ तोला बराबरको सुनको बेरुवा रिङलाई रासायनिक पदार्थ (केमिकल) प्रयोग गरी सफा गर्ने बहानामा सुनको मात्रा घटाई ठगी गरेको भन्दै स्थानीय बासिन्दाले प्रहरीलाई जानकारी गराएका थिए । सोही सूचनाका आधारमा मिति सोमबार प्रहरी चौकी उदयपुरगढीबाट खटिएको टोलीले उनीहरूलाई नियन्त्रणमा लिएको हो ।