उड्डयन क्षेत्रको सुधारका लागि वायुसेवा सञ्चालक संघ र एरोनटिकल सोसाइटीबिच सम्झौता

काठमाडौँ । नेपालको सम्पूर्ण उड्डयन क्षेत्रलाई एकताबद्ध, सुरक्षित, दिगो र नवप्रवर्तनमुखी बनाउने उद्देश्यका साथ वायुसेवा सञ्चालक संघ नेपाल र एरोनटिकल सोसाइटी अफ नेपालबिच एक महत्त्वपूर्ण समझदारी पत्रमा हस्ताक्षर भएको छ । २०८१ साल असार १ गते एक कार्यक्रमकाबिच उक्त सम्झौता सम्पन्न भएको हो।

विश्वव्यापी रूपमा उड्डयन उद्योग डिजिटल रूपान्तरण, आर्टिफिसियल इन्टेलिजेन्स, दिगोपन र डेटा–आधारित निर्णय प्रणालीतर्फ तीव्र गतिमा अघि बढिरहेको परिप्रेक्ष्यमा नेपालको उड्डयन क्षेत्रलाई पनि समयसापेक्ष रूपान्तरण गर्न यो सम्झौता गरिएको सङ्घले जनाएको छ।