मुख्यमन्त्री कृष्णप्रसाद यादवले दोस्रोपटक पाए विश्वासको मत

मधेस प्रदेशका मुख्यमन्त्री कृष्णप्रसाद यादवले प्रदेशसभाबाट विश्वासको मत प्राप्त गरेका छन् । जनमत पार्टीले समर्थन फिर्ता लिएपछि शुक्रबार मुख्यमन्त्री यादवले विश्वासका मत लिन प्रदेशसभामा प्रस्ताव गरेका थिए ।

कांग्रेस नेतृत्वका मुख्यमन्त्री यादवलाई नेकपा एमाले र नेपाली कम्युनिष्ट पार्टीले विश्वासको मत दिएका छन् । मुख्यमन्त्री यादवले विश्वासको मतका लागि राखेको प्रस्तावको पक्षमा ६२ र विपक्षमा ३८ मत परेको छ । शुक्रबारको प्रदेश सभामा एक सय सांसदको उपस्तिथि रहेको थियो ।