काँधमा तरबार राख्दैै राजाले गरेर अभिनेता इद्रिसलाई सम्मान

लन्डन । हलिउड तथा बेलायती अभिनेता इद्रिस एल्बाले बेलायतका राजा चाल्र्सबाट काँधमा तरबार राख्दै ‘नाइटहुड’को उपाधिबाट विभूषित हुन पाउँदा अत्यन्त खुसी लागेको बताएका छन् । महाराजाधिराजले आफ्नो काँधमा तरबार राख्दा आफूलाई एक प्रकारको डरसँगै अनौठो स्पर्शको महसुर भएको बताएका छन् ।

मंगलबार लन्डनको विन्डसर क्यासलमा आयोजना गरिएको विशेष समारोहमा एल्बा ‘नाइटहुड’को उपाधिबाट सम्मानित भएका हुन् । समारोहमा इद्रिसलाई युवाहरूको सेवाको लागि ‘नाइटहुड’ प्रदान गरिएको हो । अभिनेता इद्रिसले सामाजिक सञ्जालमार्फत शाही परिवारको तर्फबाट पाएको यो सम्मान प्रति कृतज्ञता जाहेर गरेका थिए । त्यो समारोहमा सम्मान पाउँदाको अनौठो अनुभव पनि उनले सामाजिक सञ्जालमा शेयर गरेका थिए ।