‘पुनर्निर्माणका लागि स्थानीय तहले ठाउँ उपलब्ध गराएपछि संघ र प्रदेश मिलेर आवश्यक पूर्वाधार निर्माण गर्छ’

काठमाडौं । बागमती प्रदेशका मुख्यमन्त्री किरण थापा मगरले सङ्घीय सरकार र स्थानीय तहसँग समन्वय गरेर प्रभावित क्षेत्रको पुनर्निर्माण गर्ने बताएका छन्। आज पत्रकार सम्मेलन राखेर मुख्यमन्त्री थापामगर महाविपत्तिबाट उठेर पुनर्निर्माणमा केन्द्रित हुनुपर्ने बताए।

उनले भने, ‘सङ्घीय सरकार र स्थानीय तहको सरकारसँग आवश्यक समन्वय गर्छौँ। बजेट बनिसकेको छ। महाविपत्तिबाट धेरै संरचना ध्वस्त भएको छ, त्यहाँ पुनर्निर्माण गर्नुपर्छ।’