भन्सार र करको दर पुनरावलोकन गर्न सरकारलाई संसदीय समितिको निर्देशन

काठमाडौँ । सङ्घीय संसद्को उद्योग तथा वाणिज्य र श्रम तथा उपभोक्ता हित समितिले स्वदेशी उद्योगहरूको प्रतिस्पर्धात्मक क्षमता बढाउन भन्सार तथा करको दरमा तत्काल पुनरावलोकन गर्न सरकारलाई निर्देशन दिएको छ।

सिंहदरबारमा शुक्रबार बसेको समितिको बैठकले कच्चा पदार्थ आयात गर्दा लाग्ने उच्च भन्सार महसुल र करका कारण नेपाली उत्पादन महँगो भई आयातित वस्तुसँग प्रतिस्पर्धा गर्न कठिन भएको निष्कर्ष निकाल्दै अर्थ मन्त्रालयलाई यस्तो निर्देशन दिएको हो।