बाढीपीडित परिवारलाई २५ हजार राहत दिने बेलकोटगढी नगरपालिकाको निर्णय

नुवाकोट- भोटेकोशी हुँदै त्रिशूली नदीमा आएको बाढीबाट प्रभावित परिवारलाई बेलकोटगढी नगरपालिकाले तत्काल आर्थिक सहायता उपलब्ध गराउने निर्णय गरेको छ।

नगरपालिकाले बाढीका कारण घर पूर्ण रूपमा क्षति भई बस्न योग्य नभएका, परिवारका सदस्य गुमाएका तथा बेपत्ता भएका नगरवासी परिवारलाई प्रतिपरिवार २५ हजार रुपैयाँका दरले राहत उपलब्ध गराउने जनाएको छ। प्रभावित परिवारका लागि आवश्यक राहत सामग्री तथा अस्थायी आवास केन्द्रको व्यवस्था पनि भइरहेको नगरपालिकाले जनाएको छ।