एनआईसी एशिया बैङ्क र ईएफआईएक्स नेपालबीच सम्झौता : क्रेडिट कार्डबाट शून्य ब्याजदरमा अनर स्मार्टफोन खरिद गर्न मिल्ने

काठमाडौँ। एन आई सी एशिया बैङ्क लिमिटेड र नेपालका लागि अनर ब्राण्डका स्मार्टफोनको आधिकारिक विक्रेता ईएफआईएक्स नेपाल प्रालिबीच बैङ्कका ग्राहकहरूलाई विशेष सुविधा प्रदान गर्ने सम्बन्धी द्विपक्षीय सम्झौता सम्पन्न भएको छ। आफ्ना ग्राहक महानुभावहरूको डिजिटल बैङ्किङ सम्बन्धी आवश्यकता सम्बोधन गर्दै ग्राहक अनुभवलाई थप परिष्कृत बनाउने रणनीतिक उद्देश्यका साथ यो सहकार्य गरिएको हो।

उक्त सम्झौता पत्रमा बैङ्कका तर्फबाट चिफ ट्रान्जेक्सन बैङ्किङ नरेन्द्र मैनाली र ईएफआईएक्स नेपालका तर्फबाट आइटी म्यानेजर अश्विन गोपाल शर्माले हस्ताक्षर गरेका छन्। यस सम्झौताअनुसार एन आई सी एशिया बैङ्कका क्रेडिट कार्ड प्रयोगकर्ताहरूले शून्य प्रतिशत ब्याजदर (०% ईएमआई) मा अनर ब्राण्डका स्मार्टफोनहरू efix.com.np बाट क्रेडिट कार्डमार्फत खरिद गरी आकर्षक मासिक किस्ताबन्दीमा भुक्तानी गर्न सकिने बैङ्कले जनाएको छ।