तरकारी खेतीले फेरिँदै बन्दीपुरको स्वरूप

सिन्धुलीको सुनकोसी गाउँपालिका–५ बन्दीपुरमा व्यावसायिक तरकारी खेती विस्तार भएसँगै गाउँको स्वरूप फेरिन थालेको छ। बागमती प्रदेश सरकारको ‘एक गाउँ, एक उत्पादन’ कार्यक्रमअन्तर्गत व्यावसायिक तरकारी खेती सुरु भएपछि स्थानीय किसानको आम्दानी बढ्न थालेको हो।

जनजाति समुदायको बाहुल्य रहेको बन्दीपुरमा अहिले दुई सयभन्दा बढी टनेल निर्माण भएका छन्। ती टनेलमा किसानले गोलभेडा, काक्रा, काउलीलगायत विभिन्न मौसमी तथा बेमौसमी तरकारी उत्पादन गर्दै आएका छन्। केही वर्षअघिसम्म परम्परागत खेतीमा निर्भर किसान अहिले व्यावसायिक तरकारी उत्पादनतर्फ आकर्षित भएका छन्।